-
Бөлісу:
-
-
-
«Оқуға құштар колледж» жобасы аясында колледжімізде қазақтың біртуар ұлдарының бірі, данышпан ақын, ойшыл, дана ғұламаларының бірі қазақ әдебиетінің шоқтығы биік ірі тұлғасы Абай Құнанбайұлының өмірі мен шығармашылығына арналған әдеби кеш өткізілді. Кешке бастауыш бөлімінің ББ-Б-22 оқу тобының студенттері қатысты. «Біз Абайды білеміз, оқимыз, бағалаймыз!» атты іс- шарада ақынның поэзиялық шығармаларын мәнерлеп оқып, сонымен қатар білім алушылар Абайдың қара сөздері мен әндерін нақышына келтіре орындады. Абай шығармаларын оқытып, жас ұрпақтың бойына ізгілік сәулесін дарыту - біздің рухани парызымыз, әрі ақын рухына деген құрметіміз болып есептеледі. Әдеби кеш «Асыл сөзді іздесең, Абайды оқы, ерінбе» атты кітап көрмесімен жалғасты. Шара барысында кітапханашы Тұрмаханова Айгүл, ғұлама, ойшыл, ақын, ағартушы, ұлттың жаңа әдебиетінің негізін қалаушы, аудармашы, композитор ретінде ел тарихында өшпес із қалдырған Абай Құнанбайұлының еңбектері мен шығармашылығы жайында баяндады. Шара соңында студенттерге Абай кітаптары аукционға қойылып, аукционға қойылған кітаптарды Абай туралы қойылған сұрақтарға дұрыс жауап берген студенттерге сыйға тартылды.