-
Бөлісу:
-
-
-
«WORLDSKILLS KAZAKHSTAN» VII РЕСПУБЛИКАЛЫҚ КӘСІБИ ШЕБЕРЛІК ЧЕМПИОНАТЫНА ҚАТЫСУШЫЛАР Астана қаласында «Worldskills Kazakhstan 2022» VII республикалық кәсіби шеберлік чемпионаты басталды. 6 желтоқсан күні Астана қаласында «WorldSkills Kazakhstan 2022» кәсіби шеберліктің VII республикалық чемпионатының ашылу салтанаты өтті. Сондай-ақ, 7-9 желтоқсан аралығында Астана қаласындағы «EXPO» халықаралық көрме орталығы мен колледждер алаңында еліміздің барлық өңірлерінен 500-ден астам жас мамандар, WorldSkills өңірлік турларының жеңімпаздары 30 ресми құзырет бойынша сайысқа түсуде. 2022 жылы 4 – 11 желтоқсан күндері Астана қаласында өтетін «Worldskills Kazakhstan» VII республикалық кәсіби шеберлік чемпионатына М.Мәметова атындағы Қызылорда педагогикалық жоғары колледжінен «Мектепке дейінгі тәрбие» құзіреттілігі бойынша НҰРЫМБЕТОВА СӘУЛЕ АЛИМЖАНҚЫЗЫ (Жетекшісі:Мукушева Амина Онғарбайқызы) және «Кіші сыныптарда оқыту» құзыреттілігі бойынша СЬЕЗДҚЫЗЫ АРУЖАН (Жетекшісі: Арыстанбекова Гүлзира Изинбекқызы) қатысып, Республикалық байқауда облыс намысын қорғауда. Студенттеріміз берілген модульдер бойынша жаңа сабақтың фрагментін әзірлеп, талапқа сай өткізді.Үш күн ішінде өткен чемпионатта берілген тапсырмаларды орындау арқылы жас таланттар білімдері мен кәсіби дағдыларын көрсетіп, шеберліктерін дәлелдеді. Мамандықтың қыр-сырын бойлай түсуге мүмкіндік беріп, талантты да талапты жастардың басын қосқан WorldSkills Kazakhstan чемпионатына қатысушы студенттерімізге жеңіс тұғырынан көрінуін тілейміз!