-
Бөлісу:
-
-
-
Колледжімізде Қазақстан Республикасының Тәуелсіздік күніне орай «Физика, математика және ақпарат» бөлімі мен «Бастауыш білім берудің педагогикасы мен әдістемесі» бөлімдерінің ұйымдастыруымен «Ата-бабам аңсаған азаттық таңы» тақырыбында желтоқсаншылармен кездесу өткізілді. Мақсаты: • Еліміздің тәуелсіздік алу жолындағы ата - бабаларымыздың ерлігін паш ету, оқушыларға желтоқсан құрбандарымен, желтоқсан оқиғасына қатысқан аға - апалардың ерлігін үлгі етіп көрсету. • Оқушылардың туған өлкемізге деген сүйіспеншілігін, сезімдерін ояту. • Елін, жерін сүюге, Отанын қастерлеуге, шыншылдыққа тәрбиелеу. Кездесуге Өрлеу біліктілікті арттыру орталығы акционерлік қоғамының филиалы Қызылорда облысы бойынша Кәсіби даму институтының аға оқытушысы Мәрсәлі Раушан Өмірбекқызы, колледжіміздің тарих пәнінің оқытушысы Қонысов Жәнібек Конысұлы және бөлім оқытушылары мен студенттері қатысты. Кездесу шарасының қонағы Раушан Өмірбекқызы 1986 жылғы 16-18 желтоқсанда алаңда болған оқиға жөнінде бастарынан өткен оқиғалар жайында ой бөлісті. Әңгіме барысында желтоқсаншылармен өткен күндердің ащы да болса шындыққа толы оқиғалары турасында әңгіме өрбітіп, студенттермен еркін форматта әңгіме-дүкен құрды. Әдеби сазды кешке ұласқан кездесуде колледж студенттері жырдан шашу шашып, Тәуелсіздікке арнау өлеңдерін оқыды. Жиын соңында ізгі тілектер айтылып, кездесуге қатысушылар естелік суретке түсіп, тарқасты. Аталған іс шарада Желтоқсан оқиғасына қатысушылардың аңыз болып қалған істері келер ұрпаққа патриоттық сезім сыйлап, ұлттық рухты көтеріп, болашақ ұстаздардың отансүйгіштік, елжандылық қасиеттерін нығайта түсті. ????????Еліміздің еңсесі биік, туымыздың тұғыры берік, тәуелсіздігіміз мәңгі болғай!