-
Бөлісу:
-
-
-
Қаңтар айының 25 жұлдызы күні М.Мәметова атындағы Қызылорда педагогикалық жоғары колледжі жастар комитеті жанынан құрылған «Қазақстан студенттер Альянсы» мен «Sanaly urpaq» ұйымдарының ұйымдастыруымен «Тәжірибе алмасу - шеберлікті шыңдайды» тақырыбында дөңгелек үстел ұйымдастырылды.
Дөңгелек үстелдің мақсаты - студенттердің білімін жетілдіріп, шыңдауға әкелетін тың жаңалықтарды қабылдау және ұйымаралық тәжірибе алмасу. Студенттердің кәсіби құзыреттілігін дамыту, шығармашылық ізденіс қалыптастыру. Сыбайлас жемқорлық және құқықтық сауаттылық мәселелері бойынша пікір алмасу және ұйым тәжірибесімен бөлісу үшін пікірталас алаңын ұйымдастыру.
Дөңгелек үстелге «Қазақстан студенттер Альянсы» Қызылорда облыстық филиалының төрағасы Қуандық Сабыржан, «Qosyl» қалалық жастар ресурстық орталығының қызметкері Бекматов Нұрасыл, Парасаттылық мектебінің жетекшісі Лаура Ахметова, «Sanaly urpaq» ұйымының төрағасы Расул Базарханұлы және колледж студенттері қатысты.
Пікір алмасу алаңында құқықтық сауаттылық, өмірлік маңызды дағдылар, сыбайлас жемқорлыққа қарсы іс-қимыл жөніндегі маңызды мәселелер талқыланды. Қорытындылай келе, мамандардың өмірлік тәжірибелері мен ақыл кеңестері айтылып, ұйымаралық тәжірибе алмасу кеңістігі құрылды.