-
Бөлісу:
-
-
-
Оқу-ағарту министрлігінің ұйымдастыруымен Көкшетау қаласында өткен техникалық және кәсіптік, орта білімнен кейін білім беру ұйымдарының педагогтері арасында өткен республикалық «Кәсіби шеберлік» конкурсында үздіктер таңдалды. Байқауға еліміздің барлық өңірлерінен педагогикалық мамандықтар мен жалпы білім беретін пәндер колледждерінің педагогтары қатысқан болатын.
Аталған «Кәсіби шеберлік» республикалық конкурсында ұжымымыздың мүшесі, колледжіміздің оқытушысы Шалапова Гүлнұр Набиханқызы арнайы пәндер оқытушылары арасынан III орынға ие болды. Сонымен қатар, Меңдібаева Мөлдір Болатбекқызы жалпы пәндер оқытушыларының арасынан «IT құзыретті педагог» номинациясын жеңіп алды.
Аймақ абыройын асырып, биік белеске шыққан ұстаздарымызды марапатымен құттықтаймыз! Мерейлеріңіз үстем болып, абырой биігінен көрініңіздер!