-
Бөлісу:
-
-
-
М.Мәметова атындағы Қызылорда педагогикалық жоғары колледжінде «Дене тәрбиесі және спорт» бөлімінің ұйымдастыруымен 8 наурыз – Халықаралық әйелдер күні мерекесіне орай колледжішілік «Көңілді эстафета» сайысы өтті.
Мақсаты: 1. Оқытушылардың жалпы және дүниетанымдық қабілеттерін шыңдау, логикалық ойлауға, шапшаң шешім қабылдай білуге баулу, жан-жақты білімдерін толықтырып, жүйелей отырып кәсіби біліктіліктері мен құзыреттіліктерін арттыру;
2. Спорттық және дене жаттығулары арқылы оқытушылардың салауатты өмір сүре білуге шақыру, педагогикалық тапқырлық пен шапшаңдық, эмоционалдық мәдениет, кәсіби ұқыптылық, шыдамдылық қабілетін дамыту.
Сайыстың ашылу салтанатында колледж директорының оқу ісі жөніндегі орынбасары Г.У.Бахадүрова сайыстың мазмұны жайлы түсіндіріп, қатысушыларға сәттілік тіледі. Педагогикалық фестивальге 4 оқытушыдан құралған 7 команда қатысты. Эстафеталық сайыстың барысы 4 кезеңнен тұрды. Әр команданың формасы, эмблемасы, девизі, аты болуы сайыс ережесінде міндеттелді. Спорттық эстафетада командаға жинақталған оқытушылар түрлі спорттық кедергілерден өтіп, тапсырмалар орындады. ???? Әділқазы алқасының әділ бағалауымен эстафета нәтижесінде жеңімпаз командалар марапатталды.
І орынды «Ақпараттық технологиялар орталығы» бөлімі,
ІІ орынды «Физика, математика және ақпараттық жүйе» бөлімі,
ІІІ орынды «Филология» бөлімі иеленді.
Сондай-ақ, сайысқа қатысқаны үшін оқу бөлімдеріне Алғыс хаттар табысталды.