-
Бөлісу:
-
-
-
М.Мәметова атындағы Қызылорда педагогикалық жоғары колледжінде 1 қыркүйек – Білім күніне орай "Ел тірегі – білімді жастар" тақырыбында салтанатты жиын өткізілді.
Мерекелік шараның ашылу салтанатында колледж директоры Ж. Тоғанова жаңа оқу жылы мерекесімен ұстаздар мен студенттер қауымын құттықтай отырып, білім жолында толағай табыстарға жетуге тілек білдірді. Оқу орны басшысы колледжді бітірген 131 түлек жоғары оқу орнының студенті атанып, білім беру грантын жеңіп алғанын мақтанышпен атап өтті.
Іс-шара барысында колледжіміздің білім саласының дамуына өзіндік үлесін қосып жүрген ұлағатты ұстаздарымызды марапаттау рәсімімен жалғасты.
Қызылорда облысының Білім басқармасының Құрмет грамотасы:
1. Абайдуллаева Роза Папановна
2. Күмісбаева Мадина Битугановна
3. Орманова Зоя Айтбаевна
4. Пржанова Дина Булегеновна
5. Қаражанова Гулназ Пірназарқызы
6. Ахметова Лаура Қуандыққызы
Қызылорда облысының Білім басқармасының Алғысы:
1. Дүйсенова Тұрар Жайшылықовна
2. Скакова Лаура Сұлтановна
3. Жетілгенова Айнұр Амандыковна
4. Мансурова Меруерт Алмабековна алғыс хаттармен марапатталды.
Салтанатты шарада "Бегім ана" балабақшасының меңгерушісі Мұқанбетқалиева Жанат Мұқанбетқалиқызы білім алушыларға ізгі лебізін білдірді. Сонымен қатар, "Шетел тілі" бөлімінің студенті Қайырбек Айшабибінің анасы, Жүрсінова Айнұр Әшірбекқызы және колледж белсендісі Арысбай Диастың анасы Ермекбаева Жадыра ата-аналар қауымының атынан құттықтау сөз сөйлеп, жаңа оқу жылына сәттілік тіледі.
Бүгінгі айтулы мерекеде ізбасарларына деген құттықтау сөзін "Қазақстан Республикасы колледждерінің үздік 100 студенті" республикалық конкурсының жеңімпазы,үздік диплом иегері, республика бойынша ен жоғары балл алып, Коркыт ата атындағы Кызылорда
университетінің студенті атанған Мұстафаева Гулжан Әкімжанқызы жылы лебізін білдірді. Колледж табалдырығын енді аттап отырған "Негізгі орта білім" мамандығының "Орыс тілі мен әдебиеті мұғалімі" біліктілігі бойынша студенттер атынан Серік Диляра да ыстық ықыластарын жеткізді.