-
Бөлісу:
-
-
-
«БЕРЕКЕ БАСТАУЫ – АДАЛ ЕҢБЕК» ТАҚЫРЫБЫНДА ЕҢБЕК АРДАГЕРЛЕРІМЕН КЕЗДЕСУ ӨТТІ #еңбекадамы
Облыстық білім басқармасы 2023 жылғы 27 қыркүйек «Еңбек күнін» мерекелеу қарсаңында колледжімізде 11-27 қыркүйек аралығында «Менің жетістігім – менің нәтижем» тақырыбындағы іс-шаралар жоспарына сәйкес колледжімізде «Бастауыш білім берудің педагогикасы мен әдістемесі» бөлімінің ұйымдастыруымен «Береке бастауы – тынымсыз еңбек» тақырыбында еңбек ардагерлерімен кездесу өткізілді. Шараға ББ-Б-20 оқу тобының студенті Рүстем Жәнияның әжесі Камила Қосаманова мен Бертілек Шынардың әжесі Төлеуова Әлия, ББ-П-20 оқу тобының студенті Доскенова Жанельдің әжесі Аманкүл Доскен арнайы шақырылды. Сонымен қатар, «Бастауыш білім берудің педагогикасы мен әдістемесі» бөлімінің меңгерушісі Г.Арыстанбекова, ұйымдастырушы педагог А.Жәнібек және топ жетекшілері мен студенттер қатысты.
Алдымен студенттердің дайындаған концерттік бағдарламасын тамашалаған меймандар жас ұрпаққа өздерінің өмірлік тәжірибелерімен бөлісіп, қызмет еткен жылдарын тілге тиек етіп, тәрбиелік мәні бар әңгімелер айтты. Сондай-ақ білім алушылардың көкейінде жүрген сауалдарына жауап беріп, мамандық таңдауда және өз ісінің нағыз маманы болуға ақыл-кеңестерін берді.
Қазақта «Адал еңбек, алғыр ой - анық досың біліп қой» деген даналық сөз бар. Ой елегінен өткізе білсек, қазыналы қарттарымыз адалдықты ту етіп, келешек үшін аянбай еңбек ете білді. Іс-шара соңында кеш қонақтарына сый-сияпат табысталып, мейірбан аналарымыз жастарға ақ батасын берді.