-
Бөлісу:
-
-
-
ҚАЛДЫРҒАН ІЗІҢ МӘҢГІЛІК
М.Мәметова атындағы Қызылорда педагогикалық жоғары колледжінде ұстаздар қауымының кәсіби мерекесіне орай «Қалдырған ізің мәңгілік» атты салтанатты мерекелік кеш өтті.
Мерекелік шарада колледж директоры Тоғанова Жақсыгүл Қоханқызы ұстаздар қауымына ыстық ықыласы мен тілегін білдіріп, ұлағат ұясына сіңірген еңбектері үшін ұстаздар қауымына алғысын айтып, еңбек жолдарына сәттілік тіледі.
Шара барысында еңбегімен биіктен көрінген, шәкірттерімен топ жарған ұстаздар колледж директорының Алғыс хаттарымен марапатталды және кәсіподақ ұйымы атынан ұстаздар қауымына марапаттар мен сыйлықтар табысталды.
Мереке қарсаңында оқу-ағарту министрі колледжімізге арнайы құттықтауын жолдауы ұстаздарымызға ерекше көңіл-күй сыйлады. Сонымен қатар колледждің өнерлі, жезтаңтай әншілері әнін арнап, білім ордамыздың студенттері әсем әндерін тарту етіп, кешті қорытындылады.
Қадірменді ұстаздар! Еңбектеріңіз жанып, шәкірттеріңіздің құрметіне бөлене беріңіздер!