ҮЗДІК ЖАЛПЫ ПӘН ОҚЫТУШЫСЫ 2023

Оқу орнымызда "Үздік жалпы пән оқытушысы 2023" колледжішілік байқауы өтті.

Мақсаты: педагогикалык өлшеуге жалпы білім пәндерінен сабақ беретін оқытушылардың арасынан инновациялық акпараттық - коммуникативтік технологияларды терең
меңгерген, ғылыми-әдістемелік,
шығармашылық құзыреттілігі қалыптасқан талантты, жаңашыл, ізденімпаз
оқытушыларды анықтау. Жалпы пән оқытушыларының озық
іс-тәжірибелерін насихаттау
мен тарату.

Шараға колледж директоры Тоғанова Жақсыгүл Қоханқызы, колледж оқытушылары мен студенттер қатысты. Байқауда бақ сынасқан Химия және биология пәні оқытушысы - Мешітбай Бағдагүл Дөңесқызы , Информатика пәні оқытушысы – Күзбаева Ләззат Умаровна, Тарих пәні оқытушысы – Алтаева Фатима Жалаладдиновна, Шетел тілі пәнінің оқытушысы – Шалабаева Маркен Сериковна, Орыс тілі мен әдебиеті пәнінің оқытушысы- Мусурманкулова Гүлмира Ануаровна.

Байқау төрт бөлімнен тұрды.
•"Креативті оқытушы жобасы",
• "Оқытушы тәжірибесінен" (оқытушының кәсіби өсу диагностикасы) бейнеролик дайындау
•Пәні бойынша ықшам сабақ (жаңа әдіс-тәсілдер бойынша, сабақ жоспарының құрылымы)

Қатысушыларымыздың өнерін әділ бағалап қазылық жасаған қонақтар қатарында: Шермаханова Роза Жарылқасынқызы – "Ақпараттық талдау бөлімінің меңгерушісі", Әбиева Гүлжайна Утепбергеновна – колледжіміздің "Шебер педагогы", Есмаханова Ұлжан Алибаевна – "Үздік педагог - 2022" республикалық байқауының жеңімпазы.

Шарамызды колледж директоры Тоғанова Жақсыгүл Қоханқызы ашып, қатысушыларға ізгі лебізін білдіріп, сәттілік тіледі. "Үздік жалпы пән оқытушысы 2023" байқауында оқытушылардың таланттары бірінен-бірі асып, байқау қонақтары мен әділ қазылар алқасының көңілдерінен шыға білді. Байқауда әуезді әуендер шырқалып, байқау қатысушылары мен қонақтарының көңілдерін көтеріп, байқаудың қызықты өтуіне септіктерін тигізді.

Байқау қорытындысы бойынша: I орын Информатика пәні оқытушысы – Күзбаева Ләззат Умаровна
II орын Орыс тілі мен әдебиеті пәнінің
оқытушысы- Мусурманкулова Гүлмира Ануаровна
III орын Шетел тілі пәнінің оқытушысы – Шалабаева Маркен Сериковна иеленді. Сонымен қатар:
Тарих пәні оқытушысы – Алтаева Фатима Жалаладдиновна – "Новатор оқытушы" номинациясы
Химия және биология пәні оқытушысы - Мешітбай Бағдагүл Дөңесқызы "Креативті оқытушы" номинациясын иеленді.

Сайыс соңында әділ қазылар алқасы сөз сөйлеп, жеңімпаздарды дипломдармен марапаттады. Шығармашыл, талантты сайыс жеңімпаздарын құттықтаймыз!