"ҚОЛДАНБАЛЫ БАКАЛАВР- ҒЫЛЫМНЫҢ БАСТАУЫ" ОБЛЫСТЫҚ СЕМИНАР- КЕҢЕС

М.Мәметова атындағы Қызылорда педагогикалық жоғары колледжінде
"Мектепке дейінгі тәрбие" бөлімінің ұйымдастыруымен "Қолданбалы бакалавр – ғылымның бастауы" атты облыстық семинар-кеңес өтті.

Мақсаты: қолданбалы бакалавр білім алушыларын ғылыми бағытта жұмыс жасауда дипломдық, курстық жұмыс жазу, зерттеу тақырыптарын әзірлеу және таңдау, зерттеу сайдтарымен жұмыс жасау барысындағы нәтижелі ерекшеліктерімен таныстыру.

Семинар-кеңеске Қызылорда облыстық оқу орталығының (әдістемелік кабинет) орынбасары Дихамбаева Гулнар Батырбекқызы, Қорқыт ата атындағы Қызылорда университетінің Қазақ тілі мен әдебиеті және журналистика БББ доценті, филология ғылымдарының кандидаты Тұяқбаев Ғабит Әнешұлы, Қорқыт Ата атындағы Қызылорда университетінің "Педагогика, психология және бастауыш оқыту әдістемесі" БББ аға оқытушысы, п.ғ.к.Баймаганбетова Жулдызай Турматовна, "Сыр бөбегі" бөбекжай-бақшасының әлеуметтік педагогы Усерова Айкерим Ерназаровна, Қармақшы ауданы №19 "Балдаурен" бөбекжай-бақшасының әдіскері Батаева Мейрамкул Ертугановна және балабақаша психологы Шахбергенова Жазира Жидебайқызы, колледжіміздің оқу бөлімінің меңгерушісі Рахымжан Айнұр Бақытбекқызы, "Мектепке дейінгі тәрбие" бөлімінің меңгерушісі Жұмаділдаева Ботагөз Ертайқызы, арнайы пән оқытушысы Ділманова Ғазиза Оразалықызы, Қорқыт ата атындағы Қызылорда университетінің "Мектепке дейінгі білім беру және оқыту" мамандығының 4 курс студенті Аман Перизат, колледжіміздің "Мектепке дейінгі тәрбие және оқыту" мамандығының 4 курс студенті Ларина Людмила және колледж оқытушылары мен білім алушылар қатысты. Семинар барысында шараның қонақтары өздерінің арнайы зерттеу тақырыптарына шолу жасай отырып, ғылыми шығармашылық жұмыстарымен таныстырды. Сонымен қатар №50 "Жұлдыз" бөбекжай-бақшасының музыка жетекшісі Сауытова Гүлдана мен №3 "Алтын Орда Шұғыла" жеке мектепке дейінгі мекемесінің музыка жетекшісі Ерманова Сауле Серікбайқызы және МДБ-Н-20, МДБ-Т-20 оқу топтары қонақтарға "Жаңғақ оркестрі", "Көңілді аспаптар әуені" музыкалық шығармашылықтарын орындады. Шара соңында қонақтар колледж директорының атынан арнайы сертификатпен марапатталды.