"Жетістік шыңы-2023"

М.Мәметова атындағы Қызылорда педагогикалық жоғары колледжінде "Жетістік шыңы-2023" тақырыбындағы әдістемелік марафон аясында
колледж оқытушыларына "Шеберлік сағаты" ұйымдастырылды. Мақсаты: колледж оқытушыларының кәсіби құзіреттіліктерін қалыптастыру, шығармашылық қабілеттерін шыңдау. Білім сапасын арттыруда ақпараттық технологиялардың маңыздылығына назар аудару, пән мұғалімдерінің тәжірибесі арқылы тиімді әдіс-тәсілдерді көрсету, үздіксіз оқу-тәрбие процесінде қолдану. "Шеберлік сағаты" барысында Жалпы білім пәндері бойынша педагогикалық шеберлік орталығында білім жетілдірген "Информатика" ПЦК жетекшісі Ш.Төрехожаева, география пәні оқытушысы Л.Скакова, информатика пәнінің оқытушысы Ж.Боранбаева өздерінің іс-тәжірибесімен бөлісіп, сабақ барысында қолданып жүрген тиімді әдіс–тәсілдерімен таныстырды.