СТУДЕНТТІК ӨМІР – ҚЫЗЫҚТЫ КӨҢІЛ

Білім ордасында 17 қараша - Халықаралық студенттер күніне арналған "СТУДЕНТТІК ӨМІР – ҚЫЗЫҚТЫ КӨҢІЛ!" атты салтанатты кеш өтті. Мерейлі мереке аясында дәстүр бойынша салтанатты түрде 1 курс білім алушыларына студенттік билет табысталды.

Мерекелік жиынның ашылуында колледж басшысының міндетін атқарушы Гүлзира Уәлиханқызы болашақтың кілті білімді, өнерлі, табысты жастардың қолында екенін айта келіп, алдағы жаңашыл бастамалар, заманауи бағдарламалар, креативті жобаларға нақты іспен атсалысуға шақырды.

Шараға "Жастар ресурстық орталығының" бөлім басшысы Тоғжан Есенгелдіқызы, "Сенімен Болашақ" Республикалық қоғамдық бірлестігі Қызылорда облыстық филиалының басшысы Шәкизат Қаратайұлы, Республикалық "Жастар рухы" Жастар қанатының Қызылорда облыстық филиалының төрағасы Әсет Қазиханұлы, қалалық "Qosyl" жастар ресурстық орталығы директорының міндетін атқарушы Медет Ерданаұлы қонақ болып, студенттерді мерекемен құттықтап, колледж белсенділерін арнайы алғыс хаттармен марапаттады.

Шара соңы мерекелік концертке ұласып, әсем ән, жастық жалынға толы заманауи би және жас жайдарманшылар өнері думанды кештің көрермендеріне көтеріңкі көңіл-күй сыйлады.

Қымбатты білім алушылар, мереке құтты болсын! Студенттік жылдар жарқын, көңілді және есте қаларлық сәттерге толы, керемет білім мен қажымас ынта, сүйікті және беделді мамандыққа жетелесін!