АЛАШ ДЕП ҰРАНДАҒАН ҰЛЫ АҚЫН

М.Мәметова атындағы Қызылорда педагогикалық жоғары колледжінде
"Қазақ тілі мен әдебиеті, әдістемелерімен" және "Орыс тілі мен әдебиеті" ПЦК-ның ұйымдастыруымен "Болашаққа бағдарланған кәсіби оқыту: білім беру мазмұнына жаңаша көзқарас, сапалы білім, жетістікті нәтиже" атты апталық аясында кәсіптік және техникалық білім беру ұйымдарының оқытушылары мен білім алушылары арасында Сұлтанмахмұт Торайғыровтың 130 жылдығына орай «Алаш деп ұрандаған ұлы ақын» атты тақырыбында облыстық ғылыми - практикалық конференция мен
облыстық жас ақындар мүшайрасы және мәнерлеп оқу сайысы өтті.

Мақсаты: ақиық ақын Сұлтанмахмұт Торайғыров шығармашылығының
қазақ ұлтының өркениет болмысындағы маңызымен терең танысу. Торайғыров бейнесін жырмен сомдап, қысқа ғұмырында қараңғылықтың көгіне күн болып сәуле шашқан кемеңгер тұлғаның ерен істерін дәріптеу. Рухани ұлттық мұрамыз бен құндылықтарымызды ұлықтап, жастар арасында кеңінен насихаттау.

Облыстық ғылыми-практикалық конференцияға Қорқыт ата атындағы Қызылорда университетінің аға оқытушысы, филология ғылымдарының кандидаты Айтбаева Айман Ералықызы, №7 мектеп-лицейі, қазақ тілі мен әдебиеті пәні мұғалімі Андакулова Марал Балтабаевна, Қармақшы ауданы А.Жанпейісов атындағы №105 мектеп-лицейі, қазақ тілі мен әдебиеті пәнінің мұғалімі Серпенова Жазира Амангелдиевна, Қалалық орталықтандырылған кітапханалар жүйесіне қарасты №23 кітапханашасы Шманова Падишагүл Қызылбайқызы, директордың оқу – әдістемелік жұмыстары жөніндегі орынбасары Ділдәбекқызы Дана және "Филология" бөлімінің меңгерушісі Гүлжанат Мұхиддинова мен оқытушылар қатысты.

Облыстық ғылыми-практикалық конференцияның негізгі бағыттары:

▫️ХХ ғасыр басындағы қазақ әдебиеті және Сұлтанмахмұт Торайғыровтың әдеби мұрасы;
▫️Сұлтанмахмұт Торайғыров және қазақ тілі білімінің өзекті мәселелері;
▫️Сұлтанмахмұт Торайғыровтың әлеуметтік-философиялық көзқарастары;
▫️Қазіргі білім беру мәселелері және Сұлтанмахмұт Торайғыров шығармаларын оқыту.

Сонымен қатар, Облыстық жас ақындар мүшайрасында ҚР Журналистер Одағының мүшесі, «Сыр бойы» газетінің журналисі, «Сыр үміті» сыйлығының иегері, «Баспалдақ» жыр жинағының авторы Айдар Сайлауов, Жас ақын, «Поэзия-сезім патшасы» жыр жинағының авторы Санақұл Бексұлтан, Ақын, «Сыр бойы» газетінің аға тілшісі, журналист Әбілда Ғазиза жылы лебіздерін білдіріп, төрешілік етті.

Байқау шарттары бойынша бірінші бөлімде жас ақындар Сұлтанмахмұт Торайғыровқа арнау өлеңдерін оқыса, екінші бөлімде білім алушылар әділқазы алқалары ұсынған кез келген тақырып бойынша өздерінің суырып- салмалық қасиеттерін көрсетіп, белгіленген уақыт ішінде өз қаламдарынан жыр шумақтарын ұсынды.

Кештің соңы әсем әнмен өрнектеліп, құттықтау сөздер айтылды.

Мүшайра сайысының қорытындысы бойынша: