-
Бөлісу:
-
-
-
Оқу орнымызда «Өнер» бөлімінің ұйымдастыруымен композитор, Мемлекеттік сыйлықтың лауреаты, КСРО халық әртісі Сыдық Мұхамеджановтың туғанына 100 жыл толуына орай «Сазгер мұрасы» атты әдеби-музыкалық кеш өтті. Шараға бөлім меңгеруші Рая Бимағанбетова, оқытушылар мен студенттер қатысты.
Мақсаты - аға буын композиторлардың негізін қалаушы, скрипка мен фортепианоға арналған көптеген шығармалардың авторы Сыдық Мұхамеджановтың талантына тағзым ету, өмірі мен асыл мұрасын жастарға жақын таныстыру.
Шығармашылық жиын ғұмырының ширек ғасырдан астам уақытын 4 опера, 4 симфония, симфониялық поэмалар, оратория, концерттер, спектакльдер мен кинофильмдерге музыка жазуға арнаған тума дарынның өнердегі өміріне арналды. Кеш барысында жастарға композитор жайында толық мәлімет беріліп, бірнеше шығармаларының тарихы таныстырылып, орындалды. Тақырыпқа сай кітап көрмесі дайындалып, әдебиеттерге шолу жасалды.