ҮЗДІКТЕН ҮЙРЕН

«Үздіктен үйрен» республикалық жобасы аясында «Үздік педагог-2024» конкурсының жеңімпаздары Арыстанбекова Гүлзира Изенбекқызы және Дүйсенова Тұрар Жайшылыққызымен кездесу-сұхбат өткізілді.

М.Мәметова атындағы Қызылорда педагогикалық жоғары колледжінде оқу-әдістемелік бөлімнің ұйымдастыруымен «Үздіктен үйрен» республикалық жобасы аясында «Үздік педагог-2024» республикалық байқауының жеңімпаздары, арнайы пән оқытушылары Арыстанбекова Гүлзира Изенбекқызы және Дүйсенова Тұрар Жайшылыққызымен кездесу-сұхбат болып өтті.

Кездесу-сұхбат барысында жеңімпаздар өздерінің атқарған жұмыстары, байқауға қатысу шарттары, сол кезде ескерілуі тиіс жұмыстар жайлы айтып, өз тәжірибелерімен бөлісті.

«Үздіктен үйрен» айдарымен ұйымдастырылған кездесу-сұхбат барысында оқытушылар өздерін толғандырған сұрақтарын қойып, тұшымды жауаптарын алды.

Жеңімпаздар кездесу соңында өздеріне сенім артып байқауға ұсынған басшылыққа, дайындық барысында көмектесуге ат салысқан ұжым мүшелеріне рахметін айтып, алғыстарын білдірді.