М.Мәметова атындағы Қызылорда педагогикалық жоғары колледжінде оқу-әдістемелік бөлім жас мамандарға шеберлік сағатын ұйымдастырды.

Шеберлік сағатында колледж әдіскері Башарова Гүлшара Есенбекқызы, әдістемелік кабинет меңгерушісі Ешпанова Рима Алмасқызы, арнайы пән оқытушысы Махамбетәбдиева Айнұр «Мектепке дейінгі тәрбие және оқыту, орта, арнаулы, қосымша, техникалық және кәсіптік, орта білімнен кейінгі білім беру ұйымдарының педагогтері жүргізу үшін міндетті құжаттардың тізбесін және олардың нысандарын бекіту туралы Қазақстан Республикасы Білім және ғылым министрінің 2020 жылғы 6 сәуірдегі № 130 бұйрығы аясында оқытушылардың сабақ жоспарын жазу үлгісі бойынша әдістемелік көмек көрсетті.

Сонымен қатар, «Шығармашылық арена - жаңашыл жобалар мен инновациялық шешімдер» тақырыбында Шиелі индустриалды-аграрлық колледжінің базасында жас ұстаздарға арнап ұйымдастырылған бір күндік лагерьде тәжірибе алмасып қайтқан «Дене тәрбиесі» бөлімі оқытушысы Ботаев Самат, «Шет тілі» бөлімінің оқытушысы Сабырова Гүлзинат өздерінің үйреніп келген жаңа әдіс-тәсілдерімен бөлісті.