Жастар рухы

М.Мәметова атындағы Қызылорда педагогикалык жоғары колледжінде «Жастар рухы» ЖҚ облыстық филиал терағасы Асетхан Баймұрза мен Қызылорда қалалық бөлімшесінің жетекшісі Серікбай Нұрболмен кездесу өтті.

Жиын барысында «Жастар рухы» ЖҚ облыстық филиал терағасы жастар ұйымының мақсаты мен жүзеге асып жатқан жобаларды таныстырды. Колледжіміздегі «Жастар рухы» ЖҚ ұйымының жетекшісі Романова Жансая студент жастарды белсенді болуға шақырып, ұйым жайлы ақпараттармен бөлісті. Ұйымның басты мақсаты – жастардың бос уақытын тиімді әрі мазмұнды өткізуге қолдау көрсету.

Кездесуге қатысқан студент жастар өз сауалдарын білдіріп, пікір алмасты. Жас буын өкілдері оқумен қатар қоғамдық ортада белсенді болудың маңызын түсініп, жаңа жобаларға қолдау білдірді.