«МАРЖАН СӨЗ, ҚОҢЫР ҮН» КОЛЛЕДЖІШІЛІК ЖҮРГІЗУШІЛЕР БАЙҚАУЫ ӨТТІ

Колледж студенттері арасында «Маржан сөз, қоңыр үн» жүргізушілер байқауы өтіп, жеңімпаздары анықталды.

Іс-шараның мақсаты оқушылардың сөйлеу мәдениетін қалыптастыру, оқушы бойындағы сенімсіздікті жойып, көпшілік алдында еркін сөйлеуге үйрету және түрлі іс-шаралардың жүргізушілерін дайындау болып табылады.

Барлығы 16 білім алушы қатысқан тартысты бәсекеде 1-орынды «Өнер» бөлімінің студенті Ібан Жасұлан (МБ-В-22 тобы), 2-орынды «Мектепке дейінгі тәрбие» бөлімінің студенті Әлеш Еркемай (МДБ-Т-22 тобы), 3-орынды «Филология» бөлімінің студенті Самен Қанатбек (ҚТЗ-22 тобы) иеленді.

Бойында дарыны, табиғи таланты бар өнерлі студенттердің мүмкіндіктерін жетілдіру, өнерлі жастардың шығармашылығын шыңдау, өнерге деген қызығушылығын нығайтып, жастардың тіл тазалығын, сөйлеу мәдениетін дамытуда аталған байқаудың үлкен орны бар.