-
Бөлісу:
-
-
-
Ғылым – қоғамның дамуына, адамзаттың прогресіне бағыт беретін қуатты күш. Ал ғалымдардың еңбегі осы ғылымның дамуына айтарлықтай үлес қосады. М.Мәметова атындағы Қызылорда педагогикалық жоғары колледжінің «Жаратылыстану» ПЦК оқытушыларының ұйымдастыруымен «Ғылымның жарық жұлдызы» тақырыбындағы Қаныш Имантайұлы Сәтбаевтың өмірі мен ғылыми мұрасына арналған интеллектуалды танымдық сайыс академик ғалымның ғылымға қосқан зор үлесін жастарға таныту мақсатында өтті.
Сайыстың төрт кезеңінде қатысушылар Қаныш Сәтбаевтың өмірі, ғылыми жетістіктері және оның қоғамға тигізген әсері туралы білімдерін ортаға салып, ғылыми-зерттеу жұмыстары мен Қазақстанның индустриализациясына қосқан үлесі жайлы сұрақтарға жауап берді. Әр кезеңде ғалымның шығармашылық жолы мен күрескерлік рухын еске түсіре отырып, қатысушылар ғылыми мұраға деген құрмет пен мақтаныш сезімін паш етті.
Сайыс қорытындысы бойынша жеңімпаздар анықталды:
1 орын – «Шетел тілі» бөлімі
2 орын – «Филология» бөлімі
3 орын – «Информатика және ақпараттық жүйе» бөлімі
Қаныш Сәтбаевтың есімі қазақ ғылымында мәңгілікке қалды. Ол тек өз заманының ғалымы емес, болашақ ұрпақ үшін бағыт-бағдар көрсеткен ғылыми жетекші де болды. Мұндай сайыстар жастарды ғылыми ізденіске, білім алуға және болашақта ел игілігі жолында еңбек етуге шабыттандырады.