-
Бөлісу:
-
-
-
Нағиша Қожаққызы Есбосынмен рухани-танымдық кездесу кеші өтті.
Ұлағатты ұстаздың бала кездегі, студенттік шақтағы, жас маман және кемеліне келген ұстаз ретінде ұлықтап төрдегі орнына шығарумен басталған кездесуде аймақтың білім саласының басшысы Асқарбек Темірбекұлы ұлағатты ұстазды кәсіби жоғары марапатымен құттықтап, ұлт болашағын тәрбиелеудегі еселі еңбегіне табыс тіледі.
Кеш барысында Нағиша Қожаққызы ұстаздық мамандық қыр-сыры, өз мамандығына деген адалдық, мәртебелі мамандық иесі қандай болуы керектігі жайлы жүрекжарды естеліктерімен, ұстаздық тәжірибесінде кездескен қызықты да өнегелі оқиғаларымен бөлісті. Жылы естеліктерге толы кеш барысында Нағиша Есбосынға колледж қабырғасында білім берген ұстазы мен группаласының видеоқұттықтаулары тамашаланды.
Нағиша Есбосын колледжіміздің 1985 жылғы үздік түлегі, аймақтың білім беру саласында 40 жылға жуық қызмет етіп келеді. Білікті педагог осы уақыт аралығында өзінің оқыту әдісін шығармашылықпен ұштастыра отырып, оқушыларының білім сапасын көтеруге, жеке қабілеттерін дамытуға ерекше мән берді. Үздіксіз ізденіске, шынайы шығармашылыққа толы еңбегі лайықты нәтижесін беріп, шәкірттері облыстық, республикалық пән олимпиадаларында, ғылыми жобалар байқауында, түрлі мүшайралар мен сайыстарда жеңімпаз атанды.
Рухани рәуішті кеш соңы колледж ұстаздары мен түлектері ұсынған ән-шашуына, естелік суретке түсуге ұласты.