ЖЫЛ ҚОРЫТЫНДЫСЫ: ҮЗДІКТЕР МАРАПАТТАЛДЫ

«ЖАҢА ЖЫЛ – ЖАҢА ҚАДАМ, ЖАҢА БЕЛЕС» атты жылдың қорытынды кеші өтті.

Жаңа жыл – жаңа қадам, жаңа бағыт,

Болашақ сыйлайтындай жаңа бақыт.

Жылан жылы кеп қалды ортамызға,

Жақсылықпен жалғассын жаңа уақыт.

«Информатика және ақпараттық жүйе» бөлімінің ұйымдастыруымен «ЖАҢА ЖЫЛ – ЖАҢА ҚАДАМ, ЖАҢА БЕЛЕС» атты жылдың қорытындысы мен үздіктерді марапаттау салтанатты шарасы өтті.

Мерекелік кеште колледж директоры Тоғанова Жақсыгүл Қоханқызы жыл бойы атқарылған жұмыстар мен жетістіктерге тоқталып, мерекемен құттықтады. Атқарылған жұмыстарды қорытындылап, облыстық, республикалық сайыстарда жеңімпаз атанған оқытушылар мен студенттерді, жыл үздіктерін, сонымен қатар 50 жас пен 60 жас мерейтой иелерін марапаттап, сый-сыяпаттарын табыстады.

Аяз ата мен Ақшақар келіп, кеш барысы ән мен биге жалғасты. Қызықты ойындар ойнатылды. Ұйымдастырушылар 80-90 жылдарға саяхат жасап, өздерінің жаңаша образдарымен кеш көрігін қыздыра түсті.

Мерейлі мереке қарсаңында марапат төріне шыққан әріптестерімізді шын жүректен құттықтаймыз! Табалдырығымыздан аттағалы тұрған жаңа жыл толағай табысы мен ырзық-несібесін сыйлап, әрбір шаңыраққа құт-береке әкелсін!