-
Бөлісу:
-
-
-
Қызылорда қаласының полиция басқармасы, Жергілікті полиция бөлімі, «Отбасылық тұрмыстық зорлық- зомбылыққа қарсы күрес қызметі» бөлімшесінің аға инспекторы, полиция майоры Ишниязова Инабат Төребекқызы мен Облыстық полиция Департаменті. Жергілікті полиция қызмет басқармасы, Отбасылық тұрмыстық зорлық-зомбылыққа қарсы күрес бөлімінің аға инспекторы Артықбаева Еркебала Сапарқызы қатысуымен болған кездесуде жасөспірімдерге қатысты зорлық-зомбылықтың алдын алу мақсатында мағлұматтар беріліп, отбасына қатысты тұрмыстық зорлық-зомбылық алдын алу, жолын кесу және де жалпы отбасындағы құндылықтар бойынша түсіндірме жұмыстары жүргізілді.
Бүгінде барша әлем елдерінде белең алған тұрмыстық заң бұзушылық біздің елімізде де өзекті мәселелердің бірі болып келеді. Тұрмыста жапа шегетіндер негізінен әйел адамдар болғандықтан, негізгі мақсат әйелдерге қатысты зорлық-зомбылықтың алдын алу, бала мен ананы қорғау, отбасының қоғамдағы рөлінің нығаюы үшін қолданылатын шаралармен тұрғындарды таныстыру.
Құқық бұзушылық, оның ішінде зорлық зомбылық фактілеріне тап болсаңыз, куәгер болсаңыз, сіз өзіңіз тұратын мекенжайыңызға қарасты учаскелік пунктіне немесе дереу сенім телефоны «102» арнасына хабарласа аласыз.
Жасөспірімдер қылмысының алдын алу және профилактикасы, оның ішінде білім беру ұйымдарының оқушылары арасындағы құқық бұзушылықтардың жолын кесу, кәмелетке толмағандардың құқықтарын қорғау саласындағы әкімшілік және қылмыстық құқық бұзушылықтарды анықтау, қоғамдық орындарда және көшелерде бұзақылықтың жолын кесу, сондай-ақ балаларға қатысты қылмыстық қол сұғушылықтың алдын алу мақсатында 2025 жылдың 10 сәуір мен 6 мамыр аралығында қала көлемінде ұйымдастырылған "Жасөспірім" республикалық жедел-профилактикалық іс-шарасы жүріп жатқандығы айтылып, білім алушыларға түсіндірме жұмыстары жүргізілді.