-
Бөлісу:
-
-
-
Оқу орнымызда жүйелі жұмыс жасап жүрген жастар ұйымдарының бірі - "Sanaly Urpaq" жастары жылды қорытындылады. Аталған шарада ұйым белсендісі, ҚТ-Ж-21к тобының студенті Р.Базархан 2021-2022 оқу жылында атқарылған іс-шаралар туралы есеп берді. Сондай-ақ колледж белсендісі Абзал Жахашов сөз алып, ұйымның басым бағыттары, жалпы мақсаты, алдағы атқаратын іс шаралар жайлы айтып өтті. Жылдық есеп соңы жастар ұйымының сабында жүріп, белсенділік танытқан біршама жастарды марапаттау рәсіміне ұласты. Жастарға қолдау көрсетіп, жыл бойына білім алушылармен қоғамдық жұмыстарда етене болғаны үшін “Филология” бөлімінің оқытушысы А.Жанканова директордың тәрбие ісі жөніндегі орынбасары Г.Исаеваның арнайы Алғыс хатымен марапатталды. Жастар ұйымының бірқатар белсендісі Жастар ісі жөніндегі комитет төрағасы Ш.Жалғасбекұлының алғысымен марапатталып, жыл қорытындысында үздік шыққан студенттерге түрлі номинациялар табысталды. Естеріңізге сала кетейік колледжіміздің "Sanaly Urpaq" клубы 2021-ші жылдың қорытындысы бойынша облыс көлемінде «Ең үздік клуб» номинациясына ие болған болатын. Ал клуб жетекшісі, колледж белсендісі Ақжайық Бақытбек өңіріміздегі «Ең үздік белсенді» атанып, ҚР Сыбайлас жемқорлыққа қарсы іс-қимыл агенттігінің Қызылорда облысы бойынша департаментінің басшысы Қ.Қожақметовтің Алғысымен марапатталған еді. Жиын соңы жастар өзара пікір алмасып, келесі оқу жылына ұсыныс-пікірлерін білдірді.