Жеңістің 80 жылдығына арналған «ЖАСТЫҚ ЖАЛЫНЫМЫЗ- СҮЙІКТІ ОТАНЫМЫЗҒА!» атты дәстүрлі республикалық жастардың патриоттық форумы бағдарламасы

23-24 сәуір күндері Сыр өңіріндегі білімнің қара шаңырағы М.Мәметова атындағы Қызылорда педагогикалық жоғары колледжінің ұйымдастыруымен дәстүрлі «Жастық жалынымыз - Сүйікті Отанымызға!» атты республикалық патриоттық форумы өткізілмек.

Оқу орнымыздың Кеңес Одағының Батыры М.Мәметова есімімен аталуы - біз үшін үлкен мақтаныш және үлкен жауапкершілік.

Мәңгілік елдің айбынды азаматы болуға тәрбиелеу мақсатындағы шара жыл сайын Отан қорғаушылар күні мен Жеңіс мерекесінің қарсаңында ұйымдастырылады.

Биыл - адамзат тарихындағы ең қасіретті де қасиетті күндердің бірі саналатын Ұлы Жеңістің 80 жылдығы. Бұл – сан миллиондаған жүректің табандылығы мен ерлігінің жемісі.

Мәңгілік даңқ! Мәңгілік ерлік! Бұл – майдандағы от кешкен батырлар мен тылдағы ерен еңбектің, ұлт бірлігінің, шексіз Отансүйгіштіктің айғағы!

Қазақ жастары – еліміздің болашағының тірегі, елдік пен ерліктің жалғасы! Форумның басты мақсаты — жастардың жүрегіне ұлттық рухты ұялату, Отанға деген сүйіспеншілік пен жауапкершілік сезімін терең қалыптастыру.

Бұл форум –

Тек шара емес,

Бұл — рухани сабақтастық,

Бұл — елжандылықтың алауы,

Бұл — жастарды жігерлендіретін өмірлік бағыт!

Ұлт болашағы – жастардың жүрегіндегі Отанға деген сүйіспеншіліктен басталады!

Сол себепті, барлық белсенді жастарды, патриот ұстаздар мен тәлімгерлерді

бұл тарихи форумға қатысуға шақырамыз!