«Кәсіподақтар үйі» ғимаратында Білім кәсіподағының ұйымдастыруымен Ауған соғысында ерлік көрсетіп, аймақтың білім саласында еңбек етіп жүрген ардагерлермен кездесу өтті.

«7 мамыр – Отан қорғаушы күні» қарсаңында өткізілген басқосуда Білім кәсіподағының төрағасы Гүлнар Бабабекқызы Ауған соғысының ардагерлерін құттықтап, олардың ел мен ұлтқа сіңірген еңбектері мен шынайы патриотизмінің бүгінгі жас ұрпаққа берер үлгі-өнегесіне тоқталды. Кездесу барысында ардагерлер ұйымдастырушыларға ризашылығын білдіріп, кәсіподақ қызметіне сәттілік тіледі. Жиын соңында Ауған соғысының ардагерлеріне құрмет көрсетіліп, мерекелік сый-сияпаттар табысталды.

Ауған соғысы ардагерлерімен болған кездесуде колледжіміздің ұстазы, Ауған соғысының ардагері Мырзақоңыров Бақытбек Кенжебекұлы да кәсіподақ төрағасы қабылдауында болып, арнайы құттықтауымен марапатталды. Баршаңызды еліміздің айбынды мерекесі – Отан қорғаушы күнімен шын жүректен құттықтаймыз!

Отаншылдық рухы қай заманда да қазақ халқының бойындағы айрықша қасиет болып қалыптасқан. Сондықтан да, бұл күн қайсар мінезді ата-бабамыздың жауынгерлік дәстүрінің заңды жалғасын тапқан күні деп есептейміз.