-
Бөлісу:
-
-
-
М. Мәметова атындағы Қызылорда педагогикалық жоғары колледжінде Жастар ісі жөніндегі комитетінің ұйымдастыруымен 1 курс студенттеріне «BALMUZDAQ PARTY» кеші өтті. Шараның басты мақсаты – 1 курс студенттеріне жастар ұйымдарын таныстырып, жеткен жетістіктері жайлы мағлұмат беріп, қызығушылықтарына қарай ұйым мүшесі етіп қабылдау. Көрмеге «Жастар рухы», «Sanaly urpaq», «Қазақстан студенттерінің Альянсы», «Студенттік Парламент ұйымы», «Шаңырақ» дебат клубы қатысты. Жастар ұйымдарының осы уақытқа дейін жеткен жетістіктері мен өткізілген шаралары көрмеде таныстырылды. Сондай-ақ студенттеріміздің қызығушылығы артып, ұйымға мүше болуға өз ынталарын білдірді. «Ассорти» студенттер театры және «Manshuk.kz» жайдарман клубы қысқа театралды қойылым қойып, көрермендерге керемет әсер қалдырды. Мерекелік кеш қонақтары Әділет Теңізбаев, Риза Алмазов, Батырхан Базархан әсем әндерін шырқап, ерекше көңіл күй сыйлады. «BALMUZDAQ PARTY» студенттердің көңілінен шығып, алдағы оқу жылына тың серпін бере білді. Кеш соңы қызықты ойындар мен көңілді би кешімен жалғасты.