-
Бөлісу:
-
-
-
16 желтоқсан - ҚР тәуелсіздік күні қарсаңында «Мәншүк CUP - 2022» дебат ойындарынан колледжішілік пікірсайыс турнирі өтті. Білім алушылардың пікірі мен ойын жеткізуге үйрете отырып, сөз мәдениеттілін, тазалығын шыңдау, ораторлық, критикалық ойлауды дамыта отырып, еліне елеулі қызмет ететін көшбасшыларды қалыптастыру мақсатында ұйымдасқан шараға «Шаңырақ» дебат клубының мүшелерінен құралған 8 фракция қатысып, АПФ форматы бойынша қызықты ойын көрсетті. Алты тақырып бойынша білімі мен білігін, парасаты мен пайымын таразыға салып, пікірлерлерімен бөліскен жастар жоғары деңгейде ойын алаңын құра білді. Колледжішілік деңгейде өткен дебат ойынына Облыстық дебат ойындарының төрешісі Ердәулет Төлен, колледж түлектері Бексұлтан Санақұл, Бекзат Ешмұратов, «Шаңырақ» дебат клубының мүшелері Аружан Махмудова, Ақгүлім Берікқызы төрешілік етіп, зияткер жастардың интеллектуалдық және көшбасшылық, білімділік қасиеттерін сарапқа салды. Сайыс нәтижесінде төрешілер шешімімен: І орын «Әлия Мәншүк» фракциясы ІІ орын «Исаака» фракциясы ІІІ орын «Жас Алаш» фракциясы иеленді.