-
Бөлісу:
-
-
-
«Хор дирижерлеу және музыка» ПЦК-сының «Музыкалық пәндерді оқытудың инновациялық технологиясы арқылы шығармашылық тұлға қалыптастыру» тақырыбындағы апталық аясында Қазақстанның халық әртісі, атақты композиторы, қазақ ән өнерінің шоқтығы биік жұлдызы Әсет Бейсеуовтің 85 жылдығына арналған «Әсеттің әсем әндері» атты әдеби-сазды кеш өткізілді. ????Әндері ел арасында еркін шарлап, өнердің мөлдір бұлағымен сусындаған, халқы жоғары баға берген ән патшасының аты келер ұрпаққа өнеге. Осы орайда әдеби-сазды кеште «Өнер»бөлімінің өнерпаздары Әсет Бейсеуовтің әнін шырқап, көрермен қауымның назарына ұсынды. Атап айтар болсақ, Халықаралық конкурстардың лауреаты «Япурай» хорының орындауында «Мұңайма» әні, әнші ұстаз Мұратова Ғазиза «Сырласу вальсі», МБ-В-20 тобының студенті Арай Өтегенова «Шақырады көктем» әнін, Күздібаева Сауле Әбдіжәмілқызының жетекшілігімен «Мамат» ерлер хорының орындауында «Анашым» әні, «Жігер» триосының орындауында «Ақ гүлім» әні кештің көркін кіргізді.
Ән әлеміндегі үркердей жарқыраған, ең дарынды композитордың есімі күллі қазаққа мақтаныш! Өнерді құрметтеген халқы барда Әсет есімі ұрпақтан-ұрпаққа қала бермек.