-
Бөлісу:
-
-
-
«Веб-дизайн және әзірлеу» құзіреттілігі бойынша білікті кадрларды даярлауға, жаңа идеялар мен трендтер жасауға, кәсіби білім сапасы мен кәсіби шеберлік дағдыларын арттыруға мүмкіндік беретін «WORLDSKILLS COLLEGE – 2023» чемпионатының колледжішілік кезеңі қорытындыланды.
Кәсіби шеберлік байқауы төрт модуль бойынша өткізілді.
Модуль А: Графикалық дизайн
Модуль В: Графикалық дизайн. Парақша дизайнын «мақсатты бет» стилінде әзірлеу
Модуль С: HTML верстка. Дизайн - макет бойынша HTML5/CSS3 орналасуы
Модуль D: HTML верстка. Скриншот арқылы css қалпына келтіру
Модуль F: Клиенттік бағдарламалау.
Анимациялық баннер модульдері бойынша «Ақпараттық қауіпсіздік жүйелері» және «Информатика» мамандықтарынан 16 білім алушы бақ сынады.
Чемпионатта «Қызылорда облысы әкімі аппаратының «Ақпараттық технологиялар орталығы» КММ»-нің IT Park стартаптар бөлімінің бағдарламашысы А.Ж.Насрадинов, С.Әлжіков атындағы №144 орта мектебінің бағдарламашысы, Kyzylorda Business Hub IT тренері А.Қ.Оразбахов, «Grand Master» бағдарламалау мектебінің директоры А.Қуанышбаев, Т.Есетов атындағы №264 мектеп-лицейінің бағдарламашысы Д.Қыдырәлі және Ж.Жунисова «Веб-дизайн және әзірлеу» құзіреттілігі бойынша қатысушылардың жұмысына сарапшылық жасады. Нәтижесінде 16 қатысушының ішінен:
І дәрежелі дипломмен Әбілқасым Орынбасар,
ІІ дәрежелі дипломмен Қалыбай Нұрбек пен Қалдыбек Мейрамбек,
ІІІ дәрежелі дипломмен Калмурат Диас пен Жамалбек Нұрзат марапатталып, барлық студенттер қатысқандығын растайтын сертификат иегері атанды.
Айта кететін жайт, жеңімпаздарға «Grand Master» бағдарламалау мектебінің директоры А.Қуанышбаев «Astana HUB» IT-стартап технопаркінің Tech Orda бағдарламасы бойынша «Full-Stack Разработчик» курсының 600000 тг грантын табыстады.
Барша қатысқан білім алушыларды жеңісімен құттықтай отырып, «Веб-дизайн және әзірлеу» құзіреттілігінің модульдері бойынша білім алушыларға әдістемелік көмегін көрсеткен жетекші оқытушыларымызға және сарапшылық жасаған әріптес-серіктес мамандарға алғысымызды білдіреміз.