-
Бөлісу:
-
-
-
«Сән технологиясы» құзіреттілігі бойынша білікті кадрларды даярлауға, жаңа идеялар мен трендтер жасауға, кәсіби білім сапасы мен кәсіби шеберлік дағдыларын арттыруға мүмкіндік беретін «WORLDSKILLS COLLEGE – 2023» чемпионатының колледжішілік кезеңі қорытындыланды.
Кәсіби шеберлік байқауы төрт модуль бойынша өткізілді.
Модуль А: Эскиз салу
Модуль В: Макеттеу
Модуль С: Моделдеу және лекалдарды жасау
Модуль Д: Көйлек тігу
Колледжішілік чемпионатқа оқу орнымыздың «Өнер» бөлімінің оқытушысы Ағысова Жансая Тлеубергенқызы бас сарапшылық етіп, «Өнер» бөлімінің оқытушысы Елеусінова Жанар Жәнібекқызы техникалық сарапшы болды. Сонымен қатар чемпионатта ИП «БиНұрай» тігін ательесінен Нұргүл Бигүбаева, Жақсылық Махаббат «Сән технологиясы» құзіреттілігі бойынша қатысушылардың жұмысына сарапшылық жасады. Нәтижесінде:
І дәрежелі дипломмен Әбзи Нұрсыйла
ІІ дәрежелі дипломмен Алиасқар Гүлшырын
ІІІ дәрежелі дипломмен Әбдісалимова шаттық, Дөңес Ақерке (Жетекшілері: Ағысова Жансая) марапатталып, барлық студенттер қатысқандығын растайтын сертификат иегері атанды.
Барша қатысқан білім алушыларды жеңісімен құттықтай отырып, «Сән технологиясы» құзіреттілігінің модульдері бойынша білім алушыларға әдістемелік көмегін көрсеткен жетекші оқытушыларымызға және сарапшылық жасаған әріптес-серіктес мамандарға алғысымызды білдіреміз.