-
Бөлісу:
-
-
-
М.Мәметова атындағы Қызылорда педагогикалық жоғары колледжінің «Шетел тілі» бөлімінің ұйымдастыруымен «A correctly chosen profession is the guarentee of your happy life in the future» тақырыбында болашақ мамандық таңдауда кәсіби бағдар беру мақсатында кездесу өткізілді. Шараға Тәкей Есетов атындағы №264 мектеп лицейі, Абай атындағы үш тілде оқытатын дарынды балаларға арналған мамандандырылған сыныптары бар мектебінің 9 сынып оқушылары қатысты.
Кездесу шарасы қонақтарды салтанатты түрде күтіп алумен басталды. Сонымен қатар, «Білім нұры» педагогикалық сабақтастық галереясын, «Заманауи педагогикалық концепция: креативті идея. Инновациялық тәжірибе, жетістіктер шыңы» және «Ерлік» залының жұмыс барысы таныстырылып өтті.
Ашық есік арқылы бөлім басшысы Ибрагимова Сания және шетел тілі бөлімі студенттік деканы Қымбат Рүстем оқушыларға шетел тілі тағы да басқа колледжде оқытылатын мамандықтарға түсуге кеңес беріліп, мамандықтардың қазіргі заманда алатын орны туралы, керекті мамандық екені туралы ақпарат берілді. Сонымен қатар оқушыларға шет елдердің макеті көрсетіліп, ұлттық тағамдары туралы толық ақпарат берілді.
Дүзелбай Қарақат, Қайырбек Айша Бибі, Абдикамал Жанел өз кеңестерін ағылшын тілінде еркін сөйлеу арқылы жеткізіп, оқушылардың ағылшын тіліне деген қызығушылықтарын оятты.
Шара соңында қызықты ойындар ойнатылып, оқушылармен бірге сергіту сәті жасалынды. Ашық есік күні оқушыларға мамандық таңдауға деген қызығушылықтарын оятып, көңілді күйде аяқталды.