-
Бөлісу:
-
-
-
А.Тоқмағанбетов атындағы қалалық мәдениет үйінде колледжіміздің Жастар ісі жөніндегі комитет жанынан құрылған «Ассорти» студенттер театрының ұйымдастыруымен «Трейлер» психодрамасы сахналанды.
Қойылымға Қызылорда облыстық драма театрының көркемдік жетекшісі, режиссер Хусейн Әмір-Темір, «Ұстаз мәртебесі» газетінің бас редакторы, театр сыншысы Нұрлан Көбегенұлы, колледж директоры Жақсыгүл Қоханқызы, Қызылорда облыстық драма театры мен Жастар театрының өнерпаздары және ұстаздар, студенттер қатысты.
Қойылым әдеттегі көріп жүрген спектакльдерден мүлде өзгеше басталды. Адамзат, қоршаған орта, пендешілік, тағы басқа тұла бойымызды күн сайын шырмап алатын жайттарды көз алдыңызға әкеле отырып, сан алуан сұраққа жауап іздеуге шақырады.
Сондай-ақ қойылымда «Нұргүл» халықтық ән-би ансамблі мен «Япурай» хор ұжымы өнер көрсетіп, «Ассорти» театрының өнерпаз студенттері сомдап шығып, көрермендердің ерекше қошеметтеріне ие болды. Психодраманың қоюшы режиссері – Бекасыл Ерланұлы, қоюшы хормейстер – Сәуле Абдижамилқызы, хореограф – Жайна Құрманғазықызы және «Ассорти» театрының жетекшісі – Бекзат Ешмұратов.
Аталмыш спектакльге оң бағасын берген көрермендер қарасы аз болмады. Қазақ өнерінің майталман режиссері Хұсейн Әмір-Темір жас өнерпаздарға шығармашылық табыс тілеп, сонымен қатар, Нұрлан Көбегенұлы спектакльден алған ерекше әсерімен бөлісіп, студенттерге алғысын жеткізді. Халыққа ерекше көңіл-күй сыйлаған өнерпаздарға Жақсыгүл Қоханқызы «Алғыс хатпен» марапаттап, жылы лебізін білдірді.