-
Бөлісу:
-
-
-
Білім ордасында «Филология» бөлімінің ұйымдастыруымен «Филологиялық ғылымдар: Ізденіс. Озат тәжірибе. Жетістікті нәтиже» атты апталық аясында «Мұхтар шыңына саяхат» атты танымдық-зияткерлік сайыс өтті.
Мақсаты: М.Әуезовтің өмірі мен шығармашылығы туралы білімдерін жинақтау;
Функционалдық сауаттылығын дамыту. Мұхтар Әуезов мұрасына терең үңілу, зерттеу, білімдерін толықтыру;
Мұхтар Әуезов туралы білімдерін тереңдету, дамыту, өз бетімен ізденіс үрдісін, адамгершілік дағдыларын қалыптастыру.
Зияткерлік сайыстың барысы 5 кезеңнен тұрды. Алғашқы кезеңде М.Әуезовтің өмір жолы туралы сұрақтар қойылып, келесі «Әудем жер» атты бөлімінде қатысушылар дайындап келген монолог, диалогтарын мәнерлеп оқыды. Сонымен қатар, сайысқа қатысушы білім алушылар барынша белсенділік танытып, қойылған сауалдарға нақты жауап беруге тырысты.
Әділқазы алқасының әділ бағалауымен сайыс нәтижесінде:
І орынды ҚТ-Ж-21 оқу тобының студенті Жанәділ Хамит,
ІІ орынды ҚТ-Ж-20 оқу тобының студенті Диана Нұрхан,
ІІІ орынды ҚТ-Ж-21 оқу тобының студенті Гүлдана Тлеуова иеленіп, арнайы дипломмен марапатталды.
Әлемге Абайдай дананы танытып, өзі де қайталанбас бірегей тұлға болып танылған Мұхтардай ұлыға арналған сайысымыз білім алушыларға керемет көңіл-күй сыйлап, рухани ой-өрістерін дамытты.