МӘНШҮК ЖАСТАРЫ ЖЕҢІС ТҰҒЫРЫНДА

Аймақтың 85 жылдығы мен сүйікті шаһарымыздың төл мерекесі аясында «Kitap fest» кітап фестивалі өтті. Оқырман бойында ұлттық құндылықтар мен рухани қазынамызды жаңғыртуға, кітап оқу мәдениетін қалыптастыруға бағытталған дәстүрлі фестиваль «Қаламгерлер аллеясында» жұртшылыққа ерекше әсер сыйлады.

Фестиваль аясында «Өткен сырлы, келешегі нұрлы - Қызылорда» кітап көрмесі мен жәрмеңкесі ұйымдастырылып, кеш барысында жас өрендер мен ақындар арасында «Жырым сенсің туған жер» атты жыр мүшайрасы өткізілді. Мүшайраға колледж студенттері арнайы қатысып, жеңіс тұғырынан көрінді.

Атап айтар болсақ:
ҚТ-Ж-20к тобының студенті Өтепберген Нұркелді бас жүлде иегері,
ӘМҚ-К-20 оқу тобының студенті Өмірзақ Дидар 2 орын иегері атанды.

Сондай-ақ, колледжіміздің жалынды түлегі Бексұлтан Санақұл 1 орын иеленді.

Сонымен қатар, колледжіміздің жас ақындары Мустахимов Диас, Махамбет Бекзатхан, Жалғасбек Мирас қала әкімі А.Шаменовтың «Алғыс хатымен» марапатталды.

Шығармашыл, талантты байқау жеңімпаздарын құттықтаймыз!