-
Бөлісу:
-
-
-
11-12 мамыр күні оқу орны базасында «Бастауыш сыныптарда оқыту»" құзыреттілігі бойынша "WorldSkills Kyzylorda - 2022" облыстық кәсіби шеберлік байқауы өтті.
Аталған іріктеу чемпионатына М.Мәметова атындағы Қызылорда педагогикалық жоғары колледжінен Съездқызы Аружан, «ORDA» жоғары колледжінен Әбдікәрім Гүлназ Ғаниқызы, Қызылорда көпсалалы жоғары колледжінен Ибадулла Ұлжанай және «Болашақ» университетінің жоғары колледжінен Абдималикова Ақтоты Нұрланқызы қатысты.
Кәсіби шеберлік байқауы төрт модуль бойынша өткізілді.
Модуль А.
Бастауыш сыныптарда интерактивті жабдықты қолдана отырып, пәндердің бірінде сабақ үзіндісін (жаңа білімді ашу кезеңін) әзірлеу, әдістемелік қолдау және жүргізу.
Модуль В.
Белгілі бір тақырыпты оқу пәндерінің бірінде меңгеруді қамтамасыз ететін деңгейлік оқу тапсырмаларын әзірлеу және көрсету
Модуль С.
Мұғалімге арналған жеке сайт құру
Модуль D.
Бастауыш сыныптарда интерактивті жабдықты қолдана отырып сыныптан тыс шаралардың бірінің (патриоттық, экологиялық, адамгершілік бағыттардың бірінде) презентациясын әзірлеу, және жүргізу.
Сондай-ақ облыстық чемпионатқа оқу орнымыздың "Бастауыш білім берудің педагогикасы мен әдістемесі" бөлімінің оқытушысы Абиева Гүлжайна Утепбергеновна бас сарапшылық етіп, Үздіксіз білім берудің Казақстандық ассоциациясының Қызылорда филиалының төрайымы Мишукова Наталья Валентиновна тәуелсіз сарапшы болды.