"ЦИФРЛЫҚ САУАТТЫЛЫҚ КҮНІ" ШАРАСЫ ӨТКІЗІЛДІ

Оқу орнымызда Қазақстан Республикасының Мемлекеттік қызмет істері агенттігі Қызылорда облысы бойынша департаментінің ұйымдастыруымен, "Азаматтарға арналған үкімет" мемлекеттік корпорациясының Қызылорда облысы бойынша филиалымен бірлесіп, "Цифрлық сауаттылық күні" шарасы өткізілді.

Шараның мақсаты – электрондық үкімет порталы арқылы онлайн қызметтерді алу және ұялы телефон арқылы "еGov mobile" мобильдік қосымшасымен мемлекеттік қызметтерді алу бойынша білім алушыларды цифрлық сауаттандыру.

Шара барысында Департаменттің Мемлекеттік қызмет көрсету басқармасының бас мамандары З.Арынова, Д.Тлепбаева сөз сөйлеп, мемлекеттік қызметтерді электронды форматта алудың артықшылықтарын түсіндірді. Кездесу соңында мамандар электронды цифрландыру саласы бойынша оқытушылар мен білім алушылардың тараптарынан қойылған сұрақтарына жауап беріп, тиісті ұсыныстар мен пікірлерін тыңдады.