ТЕҢГЕ – ТӘУЕЛСІЗДІК КЕЛБЕТІ

Оқу орнымызда "Мектепке дейінгі тәрбие және оқыту" бөлімінің ұйымдастыруымен 15 қараша - Ұлттық валюта күніне орай "Теңге - Тәуелсіздік келбеті"атты колледжішілік топтық танымдық сайыс өткізілді.

Мақсаты - білім алушылардың шығармашылық қабілеттерін дамыту, жастарды Қазақстан Республикасы Тәуелсіздігінің ажырамас атрибуты ретінде теңгенің тарихы, өзгеруі мен түрленуі жайында және ұлттық ақша айналымы туралы білімдерін кеңейту.

Танымдық шара барысында әр топ "Банкноттар сериясы" тақырыбында интеллектуалды сұрақтарға жауап беріп,
"Төл теңгеге 30 жыл" Қазақстанның ұлттық валютасы қандай ерекшеліктерге ие тақырыбында бейнероликтер көрсетіп, "Менің қиялымдағы теңге" тақырыбында постер қорғап сайысымызды аяқтады.

Нәтижесінде I дәрежелі дипломмен "Шетел тілі" бөлімінің "Cash(Кэш)" тобы, ІІ дәрежелі дипломмен "Өнер" бөлімінің "Тәж теңге" тобы, ІІІ дәрежелі дипломмен "Филология" бөлімінің "Капитал тобы" марапатталды.

Сонымен бірге "Дарынды дарабоздар" номинациясымен "Бастауыш білім беру" бөлімінің "Алтын теңге" тобы, "Креативті топ" номинациясымен "Дене тәрбиесі және спорт" бөлімінің "Доллар" тобы, "lT дарындары" номинациясымен "Физика, математика және ақпараттық жүйе" бөлімінің "Төл теңге" тобы, "Ізденімпаз топ" номинациясымен "Мектепке дейінгі тәрбие және оқыту" бөлімінің "Самұрық" тобы марапатталды.