-
Бөлісу:
-
-
-
Бүгін оқу орнымызда "Әкімшілік сыбайлас жемқорлық - құқық бұзушылық" тақырыбында танымдық кездесу өткізілді.
Шараның мақсаты - білім алушылардың бойында сыбайлас жемқорлыққа қарсы иммунитет қалыптастыру, танымдық белсенділіктерін арттыра отырып шығармашылық қабілеттерін дамытуға жағдай жасау.
Жиынға Сыбайлас жемқорлыққа қарсы іс-қимыл агенттігінің Қызылорда облысы бойынша департаментінің бас маманы Жанар Қозыбағарова, "Әділдік жолы" республикалық қоғамдық бірлестігінің Қызылорда облыстық филиал басшысы Ляззат Бақтыбаева және колледждегі “Парасаттылық мектебі” жетекшісі Лаура Ахметова мен колледжішілік “Саналы ұрпақ” клубы мүшелері қатысты.
Танымдық кездесудің алғы сөзінде Лаура Ахметова “Парасаттылық мектебінің” жүргізіп жатқан шараларына тоқталып өтіп, жұмыстармен таныстырды. Шара қонақтары өз кезегінде сыбайлас жемқорлық фактілерімен күресу жолдары, сыбайлас жемқорлық құқық бұзушылық фактілері орын алған жағдайда қайда хабарласу керек және бүгінгі жастардың аталған мәселедегі көзқарастары сынды тақырыптарды талқылады.
Шара барысында "Саналы ұрпақ" ұйымының белді мүшелері ҚТ-Ж-21к тобының студенті Расул Базарханұлы мен ШТ-Д-21 тобының студенті Аружан Сақтағанова жыл бойына жасалған жұмыстар бойынша есеп берді.