-
Бөлісу:
-
-
-
М.Мәметова атындағы Қызылорда педагогикалық жоғары колледжінде 1 қыркүйек – Білім күніне орай «Жаңа Қазақстан тірегі – білімді жастар» тақырыбында салтанатты жиын өткізілді.
Мерекелік шараның ашылу салтанатында колледж директоры Ж. Тоғанова Ата заңымыздың 27 жылдығымен және жаңа “Білім күні” мерекесімен ұстаздар мен студенттер қауымын жаңа оқу жылымен құттықтай отырып, білім жолында толағай табыстарға жетуге тілек білдірді. Оқу орны басшысы колледжді бітірген 78 түлек жоғары оқу орнының студенті атанып, білім беру грантын жеңіп алғанын мақтанышпен атап өтті. Сонымен қатар оқу жұмысының шебер ұйымдастырылуының нәтижесінде М.Мәметова атындағы Қызылорда педагогикалық жоғары колледжіміз 2021 жылғы қорытындысы бойынша “Үздік идеялар жаршысы” марапатына ие болды.
2022 жылғы Тамыз конференциясында жоғары біліктілігімен еленген әріптестеріміз, ардагер ұстаз Салима Шалабайқызы Малимова “Еңбек ардагері” медалімен, Әбиева Гүлжайна Өтепбергенқызы “Ы.Алтынсарин” төсбелгісімен марапатталды.
Іс-шара барысында колледжіміздің білім саласының дамуына өзіндік үлесін қосып жүрген ұлағатты ұстаздарымызды марапаттау рәсімімен жалғасты.Қазақстан Республикасы оқу-ағарту министірлігінің Алғысымен:1. Женсикбаева Айсұлу Серіковна, Абсатова Бекзат КадырбековнаҚазақстан Республикасының білім және ғылым министрлігінің Алғысы:1. Абсатова Бекзат КадырбергеновнаҚызылорда облысының әкімінің Алғысы:1. Арыстанбекова Гүлзира ИзинбекқызыҚызылорда облысының Білім басқармасының Құрмет грамотасы:1. Жанканова Айгерим ДосымовнаҚызылорда облысының Білім басқармасының Алғысы:1. Алдонгарова Замзагүл Жанабаевна2. Нарымбетова Шахарбану Ибрагимқызын алғыс хаттармен марапаттады.
Салтанатты шарада кәсіби білім беру жүйесінде оқу орнының әлеуметтік-серіктестіктің берік нәтижесі ретінде 7 мектеп лицейдің оқу-ісі жөніндегі орынбасары Дәулетиярова Бақытгүл Қолғанатқызы құттықтау лебізін білдірді. Сонымен қатар Еспаева Шолпан Шарипбайқызы ата-аналар қауымының атынан құттықтау сөз сөйлеп, жаңа оқу жылына сәттілік тіледі.
Бүгінгі айтулы мерекеде ізбасарларына деген құттықтау сөзін колледж мақтанышы Бекболат Мақсат Бекболатұлы жылы лебізін білдірді. Колледж табалдырығын енді аттап отырған студенттер атынан ең жоғары балл жинаған Камал Арайлым Бақытжанқызы да ыстық ықыластарын жеткізді.