-
Бөлісу:
-
-
-
5 қыркүйек «Қазақстан халқы тілдері күні» мерекесіне орай колледжімізде “Тіл – татулық пен тұрақтылық негізі, ұлт қазынасы» атты апталық аясындағы «Үштұғырлы тілдің болашағы жарқын» атты қазақ, орыс, ағылшын тілдерінде сайыс болып өтті.
Мақсаты: Болашақ педагогтердің көп тіл білуге деген ұмытылысын арттыру. Бірнеше тілді меңгерген, жан-жақты білімді, бәсекеге қабілетті, мәдениетті тұлғаны қалыптастыру болып табылады.
Бүгінгі сайысқа «Бастауыш білім беру», «Дене тәрбиесі және спорт», «Физика-математика», «Мектепке дейінгі тәрбие және білім», «Өнер» бөлімдерінен 5 топ қатысты. Топ мүшелеріне қазақ, орыс, ағылшын тілдеріндегі тапсырмаларда көмек беру үшін осы топтардың үздік студенттері жетекшілік етті. Сайыс кезеңдері: • Таныстыру • Полиглот • Аударма • Монолог • Көрініс қою
Жас студенттердің білімі мен креативтілігін, тапқырлығы мен ұтқырлығын сынға салған сайыс өте тартысты өтті. Ерекшелігі – барлық кезең тапсырмалары сол мезетте беріліп, сайысқа қатысушылардың жағдаяттан шыға білу, ұтымды шешім қабылдай білу қабілеттері танылды.
Қазақ,орыс, ағылшын тілдерінде айтылған пікірлерді әділқазы мүшелері тиісінше бағалады. Ұстаздар студенттерге тіл жанашыры ретінде өз үлестеріңді қостыңдар деген жылы лебіздерін білдірді. Сондай-ақ алдағы апталықтың жабылу салтанатында жеңімпаз топтар марапатталатын болады.